Archive for December, 2009

Ne kerkim te lumturise

Sipas revistes amerikane “Psikologjia Sot” ne vitin 2008 jane botuar 4000 libra mbi temen e lumturise.  Ndersa ne vitin 2000, vetem 50.  Pra, nje rritje prej 790%.

Shpesh here mendoj se cfare do te thote “lumturi” per mua.  Kam pasur fatin e mire te arrij te bej punen qe kam enderruar, por ndodh ndonjehere qe nuk ndjehem i kompletuar.   Sidoqofte, kjo ndjenje nuk eshte e izoluar thjeshte tek une.  Nje sondazh i kryer nga ekonomistet Betsey Stevenson dhe Justin Wolfers arriti ne perfundimin se pas 3 dekadave rritje ekonomike ne Amerike,  njerezit nuk ndjehen me te kenaqur se me pare.  Ne fakt, niveli i lumturise qe ndjejne qytetaret Evropian eshte gjithnje ne rritje, ndersa ne popullaten Amerikane po ndodh e kunderta.    Grate Amerikane kane qene me te lumtura ne vitin 1972 sesa jane sot, pas revolucionit feminist te viteve 70-80.

Gjithnje me kane bezdisur ekskursionet e punes e ushtrimet idjoteske me qellim qe te rrisin moralin e ekipit.  Ne nje nga ushtrimet qe kane per qellim te rrisin besimin ndaj njeri-tjetrit, duhet te mbanim ne shpatulla nje nga koleget e te ecnim nja 50 metra.  Rezultati?  Teknikisht duhet te rritej komraderia midis nesh, ..faktikisht, m’ka dhembur shpatulla per nja 2 ore.

Nje artikull mbi kete teme ne revisten Newsweek ben nje pohim interesant: “Shpesh here, sa me e keqe te jete gjendja, aq me shume na kerkohet te ndjehemi te kenaqur.   Sa me shume punetore u hoqen nga puna gjate viteve 80-90, aq me popullore u bene fjalimet moral-ngritese dhe konsulentet e Burimeve Njerzore.”  Artikulli nxjerr ne pah qe kjo kembengulje ndaj te parit te gjerave me sy pozitiv na eshte kthyer ne optimizem te verber.   Eshte kthyer ne nje vete-hipnotizim qe na verbon nga realiteti.  Jemi stervitur tashme te mendojme se cdo gje arrihet thjesht duke e synuar, dhe kjo na ka bere te synojme per cdo gje.  Prandaj dhe shpesh deziluzjonohemi kur nuk ja arrijme dickaje dhe i veme fajin vetes qe dikush tjeter ja arriti e ne jo — kujto heren e fundit qe ke menduar: “…pse cfare ka ai/ajo me shume se une?!”

Realiteti eshte qe jo te gjithe do behemi presidente, apo CEO apo astronaute.  Nuk jemi te prere nga i njejti stof.   Prandaj edhe kam filluar te rivleresoj se cfare do te thote lumturi per mua.

Rreth konsumerizem.com

konsumerizem.com eshte blog qe diskuton kryesisht tema rreth marketingut dhe sjelljes se konsumatorit. Artikujt (c) Gjergj Dollani.